Дэлхийд өрсөлдөхмэргэжилтний зам
Олон улсын жишигт нийцсэн инженерийн боловсролыг дэмжихийн зэрэгцээ оюутан бүрийн ирээдүйн амжилтыг бүтээхэд чиглэсэн карьерын дэмжлэг.
Мэдлэгээс мэргэжилтэн рүү — найдвартай гүүр
Бид оюутан бүрийг зөвхөн мэдлэгтэй төгсөгч бус, харин дэлхийд өрсөлдөх чадвартай мэргэжилтэн болгон төлөвшүүлэхийг зорьдог. Гадаад, дотоодын их, дээд сургуулиудад амжилттай дэвшин суралцах боломжийг нээж, тэргүүлэгч байгууллагуудад ажиллах бэлтгэлийг цогцоор нь хангадаг.
Дадлага, ажлын байр
Өргөн боломжид шууд холбогдож, тэргүүлэгч компаниудын ярилцлагад оролцоно.
Карьер төлөвлөлт
Карьераа зөв төлөвлөх, ур чадвараа хөгжүүлэх мэргэжлийн сургалт.
Дэвшин суралцах
Дотоод, гадаадын их дээд сургуулиудад элсэн суралцах мэргэжлийн зөвлөгөө.
Манай төгсөгчид дэлхий даяар
Хоёр төрлийн дадлага, хязгааргүй боломж
Танилцах дадлага
Япон улсын соёл, бусад коосэн сургууль, амьдрах хэв маяг зэрэгтэй танилцах боломжийг олгодог.
Үйлдвэрлэлийн дадлага
Япон улсын аж ахуйн нэгжүүдтэй хамтран богино болон урт хугацааны дадлага, мөн тухайн компанид цаашид ажиллах боломж.
Дадлага хөтөлбөрийн процесс
4, 5-р курсийн оюутнуудад зориулсан бүтэн жилийн хуваарь
Япон улс руу нээлттэй хаалга
Сакүра Сайэнс
Японы шинжлэх ухаан, технологи, инновацийн хөгжил, коосэн болон их дээд сургуультай танилцуулах богино хугацааны хөтөлбөр. Сүүлийн 4 жилд 26 оюутан хамрагдсан.
JENESYS
Япон улсын соёл, түүх, зан заншлыг танилцуулах хөтөлбөр. Илтгэл, япон дууны тэмцээнд шалгарсан оюутнуудад аялах эрх олгоно.
Ибараки муж
Япон улсын Ибараки мужтай хамтран аж ахуйн нэгж, сургуулиудтай танилцуулах шинэ хөтөлбөр. 2025–2026 оны хичээлийн жилд мэргэжил тус бүрээс 3, нийт 15 оюутан хамрагдана.
Японы коосэн сүлжээнд
Өвсний үндэс · Итгэл хөтөлбөр
Манай сургууль Шинагава дүүрэг, Канагава, Чиба муж, Нагаока хот болон бусад олон компанитай хамтран оюутнуудыг мэргэжлийн дадлагаар хангаж, төгсөөд шууд ажилд орох боломжийг бүрдүүлдэг. 2025 оноос JICA-ийн хөтөлбөрт ахлах курсийн 19 оюутан хамрагдаад байна.
Дадлага хөтөлбөрт хэн хамрагдах вэ?
Ахлах курсийн оюутнууд карьерын төвөөр дамжуулан хүсэлтээ гарган, япон хэл дээр ярилцлага өгч, тэнцсэн тохиолдолд хамтын ажиллагаатай компаниудад 7–30 хоногийн хугацаанд дадлага хийх боломжтой. Өвлийн болон зуны амралтаар хамрагдана.
Дөрвөн алхмын гарц
Танилцуулга
Компаниудын танилцуулга, мэргэжлийн уулзалт
Дадлага
Үйлдвэрлэлийн танилцах дадлага
Ярилцлага
Япон хэл дээрх мэргэжлийн ярилцлага
Ажилд орох
Үндсэн ажилтнаар гэрээ байгуулах
5-р курсийн төгсөлтийн дараах замууд
Дэвшин сурах
- Дотоодын ТОП их сургуулийн 3-р курст
- Японы их сургуулийн 3-р курст
- ШМТДС, МУИС, ШУТИС, ХААИС, ҮБХИС
- Тоёохаши ТИС, Нагаока ТИС, Чиба ТИС
- Коосэн Сэнкока (6 Коосэн)
Мэргэжлээрээ ажиллах
- Дотоодын ТОП аж ахуйн нэгжүүдэд
- Японы компани (ХИ, ЦЭИ, МИ, БДБИ, IT)
- Япон улсад үндсэн ажилтнаар
- Инженерийн мэргэжлээр
Бусад сонголт
- АНУ
- Бүгд Найрамдах Солонгос Улс
- Канад
- Засгийн газрын тэтгэлэгүүд
Монбүшёо — Японы Засгийн газрын тэтгэлэг
Сургалтын төлбөр, амьжиргааны зардал болон бусад холбогдох зардлыг 100% хариуцдаг тэтгэлэгт хөтөлбөр. Одоогоор 12 оюутан тус тэтгэлэгт хамрагдаад байна.
Япон коосэнд дэвшин суралцахад тавигдах шаардлагууд
- 01Сургуулийн үйл ажиллагаанд идэвхтэй оролцдог
- 02Голч дүн дундаас дээш
- 03Шинжлэх ухааны суурь болон мэргэжлийн мэдлэг сайн
- 04Япон хэлний N2 түвшний мэдлэг, чадвартай
- 05Англи хэлний ахисан түвшний мэдлэг чадвартай
- 06Бие даан суралцах чадвартай, идэвх зүтгэлтэй
- 07Ёс зүйн зөрчил гаргаагүй
合宿 · Гашшүкү хөтөлбөр
Япон улс руу дэвшин суралцах шаардлагыг бүрэн хангасан төгсөгчдөд зориулсан бэлтгэл хөтөлбөр. Англи, япон хэл, дээд алгебр, мэргэжлийн япон хэлний мэдлэг, түүнчлэн Японд ажиллаж, суралцахад шаардлагатай нийгмийн болон албан харилцааны ур чадварыг хөгжүүлдэг.
Таны карьер эндээс эхэлнэ
Гадаад харилцаа, Карьерын албатай холбогдож, өөрийн ирээдүйн замаа эхлүүлээрэй.
Холбогдох